अमेरिकी राष्ट्रपति जो बाइडेनले आफ्नो कार्यकालको सुरूका १०० दिन भित्र २० करोड अमेरिकी नागरिकहरूलाई कोभिड-१९ विरुद्धको खोप लगाउने बाचा गरेका छन् । 

बाइडेनले आफू राष्ट्रपति भएपछि ह्वाइट हाउसमा गरिएको पहिलो पत्रकार सम्मेलनमा आफ्ना प्राथमिकताहरूका सम्बन्धमा बोल्दै उक्त कुरा बताएका हुन् । 

अमेरिकामा अहिलेसम्म कोभिड-१९ विरुद्ध करिब १३ करोड डोज खोप दिइसकिएको जनाइएको छ । स्वास्थ्य अधिकारीहरूका अनुसार दैनिक करिब २५ लाख डोज खोप अहिले पनि  वितरण भइरहेको छ । 

ह्वाइटहाउसमा करिब एक घन्टा चलेको उक्त पत्रकार सम्मेलनमा बाइडेनलाई बन्दुक नियन्त्रण र विदेश नीतिसम्बन्धी मनग्ये सवालहरू गरिएको थियो ।