कवि तथा समालोचक नेत्र एटमको कवितासङ्ग्रह 'प्रिय मौनता' बजारमा आएको छ । लामो समयदेखि नेपाली साहित्य र समालोचना क्षेत्रमा क्रियाशील एटमको यो पहिलो एकल कवितासङ्ग्रह हो  । यसअघि उनको 'शब्दहरूको नेपथ्य' संयुक्त कवितासङ्ग्रह प्रकाशित छ ।

यस सङ्ग्रहका कविताहरूलाई कविले 'उपसना कविता' भनेका छन् । प्रेमलाई केन्द्रमा राखेर लेखिएको यस सङ्ग्रहका कवितामा प्रणयको प्यास, प्रमुदित प्रकृति, अभीप्साको उद्बोदन, उपासनाको आलोक खण्ड छन्, जसमा ६० वटा कविता सङ्गृहीत छन् । 

आज सार्वजनिक गरिएको यस कृतिमाथि प्रा.डा. कृष्णहरि बराल, पत्रकार दीपक सापकोटा र अमृता शर्माले समीक्षात्मक टिप्पणी गरेका थिए । 

शिखा बुक्सले बजारमा ल्याएको यस सङ्ग्रहको मूल्य ३५० रुपैयाँ छ ।