नेपाल, बंगलादेश र किर्गिस्तानको त्रिदेशीय कप फुटबलअन्तर्गत आज नेपाल र बंगलादेशबीच भिडन्त हुँदै छ  । नेपालको त्रिपुरेश्वरस्थित दशरथ रङ्गशालामा हुने बंलादेशविरुद्धको आजको खेल फाइनल प्रवेशका लागि धेरै महत्त्वपूर्ण रहेको छ ।

आजको खेलमा बंगलादेशसँग कम्तीमा बराबरी खेले मात्र  नेपालको फाइनल प्रवेशको ढोका खुल्नेछ । बंलादेशले भने किर्गिस्तानलाई १-० गोलले पराजित गरी फाइनलका लागि स्थान सुरक्षित गरिसकेको छ । तर, नेपालले आफ्नो पहिलो किर्गिस्तानसँगको खेलमा दर्जनौँ अवसर खेर फाल्दै गोलरहित बराबरी खेलेको थियो ।

आजको खेलमा बंलादेशले २ गोल अन्तरले जितेको खण्डमा भने नेपालको फाइनल यात्रा यहीँ समाप्त हुनेछ । किर्गिस्तानविरुद्धको खेलमा फितलो खेल प्रदर्शन गरेको नेपालले किर्गिस्तानका कप्तानले रेड कार्ड पाएर मैदानबाट बाहिरिए पनि त्यसको फाइदा उठाउन नसक्दा गोलरहित बराबरीमा चित्त बुझाउनुपरेको थियो । अखिल नेपाल फुटबल सङ्घ (एन्फा)ले आयोजना गरेको यस त्रिदेशीय कप फुटबल खेलमा नेपाल र बंलादेशका सिनियर राष्ट्रिय टोलीहरू मैदानमा उत्रिएका भए पनि  किर्गिस्तानको भने अन्डर- २३ टोली सहभागी भएको छ ।

अहिलेसम्म बंलादेशले ३ अंंक जोडेको छ भने नेपाल र किर्गिस्तानले १/१ अंंक मात्र प्राप्त गरेका छन् ।