कोरोना भाइरसको संक्रमण बढ्दै गएपछि फ्रान्सका राष्ट्रपति इमानुयल म्याक्रोले शनिबारदेखि देशभर ४ हप्ताका लागि लकडाउन घोषणा गरेका छन् ।

राष्ट्रपति म्याक्रोले लकडाउनको अवधिमा अत्यावश्यक पसलहरू मात्र खोल्न दिइने बताएका छन् । मानिसहरूलाई कार्यालयको सट्टा घरमै बसेर काम गर्न उनले अाग्रह गरेका छन् । उचित कारणबिना घरबाट १० किलोमिटरभन्दा टाढा जान रोक लगाइएको छ ।

संक्रमण फैलिन नदिने उद्देश्यले सार्वजनिक समारोहमा पूर्ण रूपमा रोक लगाइएको छ तर शुक्रबार पर्ने महान् पर्व इस्टर मनाउनका लागि भने छुट दिइएको छ ।