रुरु जलविद्युत लिमिटेडले आज अर्थात २० चैतबाट सर्वसाधारणका लागि आईपीओ निश्कासन गरेको छ ।

कम्पनीले १०० रुपैयाँ अंकित मूल्यमा २० रुपैयाँ प्रिमियम थप गरेर १२० रुपैयाँ दरले कुल ४ लाख ७ लाख ७०६ कित्ता शेयर अर्थात् ४ करोड ८९ लाख २४ हजार ७२० रुपैयाँ बराबरको आईपीओ निश्कासन गरेको हो, जसमध्ये २ प्रतिशतले हुन आउने ८ हजार १५४ कित्ता कर्मचारीका लागि र ५ प्रतिशतले हुन आउने २० हजार ३८५ कित्ता सामूहिक लगानी कोषका लागि छुट्याइएको छ भने बाँकी ३ लाख ७९ हजार १६७ कित्ता शेयरमा सर्वसाधारणले आवेदन दिन पाउनेछन् । 

आईपीओमा सर्वसाधारणले नेपाल धितोपत्र बोर्डबाट स्वीकृति प्राप्त गरेका सम्पूर्ण सी-आस्बा सदस्य बैंक तथा वित्तीय संस्थाहरू र तिनका तोकिएका शाखाहरूबाट आवेदन दिन सकिनेछ । 

लगानीकर्ताले न्यूनतम १० कित्तादेखि अधिकतममा सम्पूर्ण कित्ताका लागि आईपीओमा आवेदन दिन सक्नेछन् ।कम्पनीको धितोपत्र निश्कासन तथा बिक्री प्रबन्धक एनएमबी क्यापिटल लिमिटेड रहेको छ ।

आईपीओमा २४ चैतसम्म आवेदन दिन सकिनेछ । उक्त मितिभित्र माग गरेअनुरूप शेयर बिक्री नभए ३ वैशाख २०७८ सम्म आवेदन दिन सकिनेछ ।