स्वर्गीय नेता नवीन्द्रराज जोशीको १३औँ दिनको पुण्यतिथिमा आयोजित श्रद्धाञ्जलिसभामा बोल्दै नेपाली कांग्रेसका सभापति शेरबहादुर देउवाले कांग्रेसले आफूलाई कमजोर ठान्नुपर्ने अवस्था नरहेको उल्लेख गरेका छन् ।

पार्टीभित्र कुनै किसिमको विवाद नरहेको जनाउँदै सभापति देउवाले नेताहरूले पार्टी संकटमा रहेको भन्दै विभिन्न सार्वजनिक कार्यक्रमहरूमा बोलेको विषयप्रति असन्तुष्टि जनाए । उनले पार्टी कहिल्यै पनि संकटमा नरहेको ठोकुवासमेत गरे ।

नेपाली कांग्रेसको ऐतिहासिक जिम्मेवारी र भूमिका भएको बताएका नेता देउवाले उक्त भूमिका सबैले निभाउँदै गएका र धेरै पटक आफूहरू हारेका अनि धेरै पटक जितेका पनि हुँदा  आफूहरूले 'डिमोरलाइज' हुन नपर्ने सुझाए ।

सभापति देउवाले नेता जोशीको निधनले पार्टीको नेतृत्व गर्न सक्ने क्षमतावान् नेता गुमाएको बताए ।