सिँगटी हाइड्रो इनर्जी कम्पनीको आईपीओ आज अर्थात् २७ चैतमा बाँडफाँट भएको छ । आईपीओको रिजल्ट कम्पनीको वेबसाइट, बिक्री प्रबन्धकको वेबसाइट, सीडीएससीको मेरो शेयर र सीडीएसको नयाँ वेबसाइटबाट हेर्न सकिने स्रोतले जनाए तापनि उक्त वेबताएका साइटमा यो समाचार तयार पार्ने बेलासम्म पनि नतिजा हेर्न भने सकिएको छैन । पछिल्लो समयमा वेबसाइटमा आएको समस्याका कारण लगानीकर्ताले ज्यादै दु:ख पाउँदै आएका छन् ।

बिक्री प्रबन्धकका अनुसार आईपीओमा १५ लाख ६५ हजार ५३० जनाको अवेदन परेको थियो, जसमध्ये १५ लाख ५९ हजार ८९२ जनाको आवेदन मात्र योग्य भएको थियो भने  ५ हजार ७२८ जनाको आवेदन रद्द भएको थियो । योग्य आवेदकहरूमध्येबाट गेलाप्रथा गरी शेयर बाँडफाँट गरिएकामा २ लाख ६९ हजार ७०० जनाले १० कित्ताको दरले शेयर पाएका छन् भने बाँकी १२ लाख ९५ हजार ८३० जना आवेदकहरूको हात खाली भएको छ ।

हाइड्रोले ६ चैतदेखि १०० रुपैयाँ दरको कुल २९ लाख कित्ता आईपीओ निश्कासन गरेको थियो, जसमध्ये ५ प्रतिशतले हुन आउने १ लाख ४५ हजार कित्ता म्युचुअल फण्डहरूलाई छुट्याएको थियो भने २ प्रतिशतले हुन आउने ५८ हजार कित्ता शेयर भने कम्पनीमा काम गर्ने कर्मचारीका लागि छुट्याइएको थियो । जम्मा २६ लाख ९७ हजार कित्ता शेयर सर्वसाधारणका लागि निश्कासन गरिएको थियो ।