बेलायती राजपरिवारका सम्मानित ज्येष्ठ सदस्य राजकुमार फिलिपको निधन भएको छ । बकिङघम दरबारबाट शुक्रबार जारी गरिएको एक विज्ञप्तिमा बेलायतकी माहारानी एलिजाबेथका पति ड्युक अफ एडिनबर्गको ९९ बर्षको उमेरमा देहावसान भएको जनाइएको छ ।

करिब सात दशकसम्म बेलायती राजपरिवारको उच्च भुमिकामा रहेका राजकुमार फिलिपले माहारानीका तर्फबाट बेलायतको इतिहासमै सबैभन्दा बढी शासन गरेका थिए ।

दरबारबाट जारी गरिएको एक विज्ञप्तिमा महारानीले राजकुमार फिलिपको मृत्युको घोषणा गरेपछि दरबार गहिरो शोकमा रहेको उल्लेख गरिएको छ ।

राजकुमार फिलिप ग्रीसका राजकुमार थिए । उनले सन् १९४७ मा एलिजाबेथसँग विवाह गरेका थिए । दोस्रो विश्वयुद्धपछिको बदलिँदो विश्व राजनीति एवं साम्राज्यवाद र उपनिवेशवादको ओर्लँंदो परिवेशमा समेत बेलायती राजसंस्थाको मानसम्मान कायम राख्नमा माहारानीका विश्वास पात्र स्वर्गीय  फिलिपको महत्वपूर्ण योगदान रहेको बताइन्छ ।