कोरोना संक्रमणको जोखिम बढेको भन्दै सीसीएमसीले ३ साताका लागि विद्यालय बन्द गर्न सरकारलाई सिफारिस गरेपछि कोरोना जोखिमलाई देखाएर विद्यालय बन्द गर्ने निर्णय केन्द्र सरकारबाट नगर्न सरोकारवालाले सुझाव दिएका छन् ।

सोमबार शिक्षा मन्त्रालयमा भएको छलफलमा शिक्षा मन्त्रालयले सोमबार आयोजना गरेको छलफलमा सरोकारवालाहरूले विद्यालय खोल्ने कि बन्द गर्ने भन्ने निर्णय गर्ने जिम्मा स्थानीय सरकारलाई दिनुपर्ने धारणा राखे । स्वास्थ्य सुरक्षाका मापदण्ड अपनाउन र वैकल्पिक सिकाइको सुनिश्चितता गर्न पनि उनीहरूले सुझाव दिए ।

संघीय सरकारमा केन्द्रिकृत मानसिकता रहेको भन्दै सरोकारवालाहरूले विद्यालय बन्द गर्ने निर्णय केन्द्रबाट गर्नु नहुने धारणा राखे । विद्यालयसम्बन्धी सबै अधिकार स्थानीय सरकारलाई जिम्मा दिनुपर्ने उनीहरूको भनाइ थियो ।