पार्टीको एउटा मूख्य संम्मेलनको तेस्रो सत्रलाई संबोधन गर्दै उत्तर कोरियाली नेता किम जोङ उन ले बाहिरी बिश्वसंगको मुलुकको संबन्धमा दीगो सुधार गर्नु पर्ने आवश्यकता रहेको कुरामा जोड  दिए ।

उत्तर कोरियाली संचार माध्यमकाअनुसार नेता किमले आफ्नो प्रतिद्वन्दी दक्षिण कोरियासंगको सम्बन्धको समेत पुनरावलोकन गरेको भएता पनि आगामी दिनमा कस्तो कदम चालिने छ भन्ने चाहिँ प्रष्ट पारेनन् । देशमा  गहिँरिदो  आर्थिक संकटको सामना गरिरहेका किमले सत्तासीन वर्कर्स पार्टीको पाँच बर्षमा भएको पहिलो सभामार्फत शान्ति प्रक्रियालाई अघि बडाउन इच्छुक रहेको संदेश प्रेषित गर्ने अपेक्षा पर्यवेक्षकहरुले गरेका थिए ।

उद्घाटन सत्रलाई सम्बोधन गर्दा नेता किमले अघिल्लो आर्थिक विकास योजना  विफल भएको स्वीकार गर्दै उक्त योजना असफल हुनमा कोविड-१९ माहामारीका कारण सिमाना बन्द भएको, देशमा विभिन्न प्राकृतिक प्रकोपका घटना घटेको एवं अमेरिकी प्रतिबन्ध जस्ता कुराहरुलाई जिम्मेवार बताएका थिए ।

अमेरिकाको नयाँ राष्ट्रपति पदमा निर्वाचित जो वाइडेनले नेता किमलाई 'ठग' काे संज्ञा  दिए पछि उनले कार्यभार सम्हाले लगत्तै उत्तर कोरियासंग वार्तामा बस्ने सम्भावना नरहेको जानकारहरु बताउँछन् ।