जङ्गे पिल्लर रत्ति सारिन गए उर्लन्छ कोसी सुन
गिद्दे दृष्टि लगाउने नजर त्याे फुट्ला नि ! आफैँ बुझ
लड्छाैँ ज्यान दिनै परे पनि यहाँ नेपालकाे खातिर
झुक्नेछैन हिमालझैँ अटल याे हाम्राे हिमाली शिर ।

हाम्रा पुर्वज वीरका निडरका गाथा पढ्याै ती भने
हारेकाे इतिहास छैन तिनले, हार्दा सबै विश्वले 
चल्छन् चम्चम यी अझै नि खुकुरी, लड्नै परे आखिर
झुक्नेछैन हिमालझैँ अटल याे हाम्राे हिमाली शिर ।

याे नेपाल स्वतन्त्र राज्य छ सधैँ, झुक्दैन कैले पनि
हाम्राे सम्प्रभुमा कुनै किसिमकाे बाधा नआओस् भनी
लड्छाैँ ज्यान दिएर याे मुलुककाे स्वाधीनता खातिर
झुक्नेछैन हिमालझैँ अटल याे हाम्राे हिमाली शिर ।

बारम्बार हजारचाेटि यसरी सीमा लगायाै किन ? 
खप्दैनाैँ रिपुकाे थिचाे दमन याे दिन्नौँ कतै उम्कन
हाँसी मर्न तयार छन् तर यहाँ छैनन् कुनै काँतर
झुक्नेछैन हिमालझैँ अटल याे हाम्राे हिमाली शिर ।