नेपाल, बंगलादेश र किर्गिस्तान सम्मिलित त्रिदेशीय कप फुटबलको फाइनल खेल आज नेपाल र बंगलादेशबीच हुँदै छ । त्रिपुरेश्वरस्थित दशरथ रंगशालामा हुने उक्त खेलमा घरेलु टोली नेपालले बंगलादेशसँग उपाधिका लागि भिडन्त गर्नेछ । 

नेपालले नोभेम्बरमा बंगलादेश भ्रमण गर्दा २ खेलको सिरिज १-० ले गुमाएको थियो । त्यसबेला नेपाल बंगलादेशविरुद्धको पहिलो खेलमा २-० ले पराजित भएको थियो भने दोस्रो खेलमा गोलरहित बराबरी खेलेको थियो ।
त्यस्तै, जारी त्रिदेशीय फुटबलको समूह चरणको २ खेलमा पनि नेपालले गोल गर्न नसकेको आँकडाअनुसार पछिल्लो समय लगातार ८ खेलमा नेपालको सिनियर टोलीले गोल गर्न सकेको छैन ।

यस्तो पृष्ठभूमिमा आज हुने बंगलादेशविरुद्धको खेल नेपालका लागि जाली चुमाएर उपाधि जित्ने सुवर्ण अवसर रहेको फुटबलका विश्लेषकहरू बताउँछन् । 

फाइनल खेल दशरथ रंगशालमा आज साँझ ५:३० बजे सुरु हुनेछ ।