नेकपा एमालेका असन्तुष्ट खेमाका नेताहरू वरिष्ठ नेता माधव नेपाल र उपाध्यक्ष भीम रावललाई एमालेले कारबाही गरेको छ । पार्टीले सोधेको स्पष्टीकरण चित्त बुझ्दो नभएको भन्दै ६ महिनाका लागि दुवैलाई पार्टी सदस्यबाट निलम्बन गरेकाे हो ।
नेपाल र रावललाई स्पष्टीकरण सोध्दा त्रुटि स्वीकार नगरेको, आत्मसमीक्षा नगरेको र आत्मआलोचना गर्ने प्रवृत्ति नदेखिएको भन्दै निलम्बन गरिएको कारबाहीको जानकारी दिइएको पत्रमा उल्लेख छ ।
निलम्बन गरिएको पत्रमा ओलीले स्पष्टीकरणमा सोधिएको अनुसार भूल, त्रुटिको स्वीकारोक्ति नगरेको र आत्मसमीक्षा नगरेको तथा आत्मालोचना गर्ने कुनै प्रवृत्ति देखिएको उल्लेख गरेका छन् । अध्यक्ष ओलीले नेता नेपाललाई आफ्नो स्वार्थका लागि आपराधिक मनोवृत्ति देखिएको आरोप पनि लगाएका लगाएका छन् ।
'स्पष्टीकरण सोधिएअनुसार भूल, त्रुटिको स्वीकारोक्ति नगरिएको, कुनै आत्मसमीक्षा नगरिएको, आत्मआलोचना गर्ने कुनै प्रवृत्ति नदेखिएको, अहंकार, आत्मकेन्द्रित र स्वार्थी प्रवृत्ति प्रष्ट रूपमा देखियो । आफ्नो स्वार्थको लागि देश, जनता र पार्टीको हितलाई जस्तोसुकै क्षति पुर्याउन तयार भएको आपराधिक मनोवृत्ति प्रष्ट रूपमा थप पुष्टि भएको' निलम्बन गरिएको पत्रमा उल्लेख गरिएको छ ।
अध्यक्ष ओलीले पार्टीभित्र गरेका गुटगत भेलालाई आपराधिक क्रियाकलाप भन्दै ओलीेले प्रायश्चित गर्ने अवसर नेता नेपालले उपयोग नगरेको बरु स्पष्टीकरण सोध्नेजस्तो अनधिकृत र हास्यास्पद कार्य गरेको आरोप लगाएका छन् ।
अध्यक्ष ओलीले अहिलेको कारबाहीलाई सच्चिने अन्तिम मौकासमेत भनेका छन् ।
पत्रमा पार्टीविरोधी गतिविधिहरू कायम रहेका जनुसुकै बेला पनि थप कडा कारबाही गर्नुपर्ने अवस्था आउन सक्ने भन्दै सचेत गराइएको छ । 
