अफ्रिकी मुलुक इथियोपियाका २ प्रान्तहरू अफार र सोमालीबीच भएको झडपमा परी १०० जनाभन्दा बढी सर्वसाधारण नागरिकको मृत्यु भएको अन्तर्राष्ट्रिय सञ्चार माध्यमले जनाएका छन् । 

अस्ति शुक्रबारदेखि सुरु भएको झडपमा अधिकांश गोठालाहरू मारिएका छन् । उक्त झडप सोमाली र अफार दुवै प्रान्तले आफ्नो दाबी गर्दै आएको जमिनका लागि भएको हो ।

आगामी जुनमा निर्वाचन हुन गइरहेको अवस्थामा त्यहाँका २ प्रान्तहरूका बीचमा हिंसा भड्किएको हो । उल्लेखित दुवै प्रान्तहरूले आफूमाथि पहिला अर्को पक्षले आक्रमण गरेको आरोप लगाउँदै आएका छन् ।