गण्डकी प्रदेशका मुख्यमन्त्री पृथ्वीसुब्बा गुरुङविरुद्ध अविश्वास प्रस्ताव दर्ता भएको छ । 

नेपाली कांग्रेस, नेकपा माओवादी केन्द्र र जनता समाजवादी पार्टी (जसपा)ले बिहीबार प्रदेशसभा सचिवालयमा मुख्यमन्त्री गुरुङविरुद्ध अविश्वास प्रस्ताव दर्ता गरेका हुन् ।

मुख्यमन्त्री गुरुङविरुद्धको अविश्वास प्रस्तावमा कांग्रेसका १५, माओवादी केन्द्रका ११ र जसपाका २ जना गरी २८ जना सांसदको हस्ताक्षर छ । कांग्रेस संसदीय दलका नेता कृष्णचन्द्र नेपाली पोख्रेललाई नयाँ मुख्यमन्त्रीमा प्रस्ताव गरिएको छ ।

आज राती १२ बजेदेखि नै लागू हुने गरी सरकारको सिफारिसमा प्रदेश प्रमुख अमिक शेरचनले चालू अधिवेशन अन्त्य गरेका थिए ।