कर्णाली प्रदेशका नेकपा एमालेको माधव नेपाल खेमाका ४ जना सांसदलाई एमालेले कारबाही गरेको छ । दलको निर्देशनविपरीत ‘फ्लोर क्रस’ गरेर मुख्यमन्त्री महेन्द्रबहादुर शाहीलाई मत दिई शाहीको पद जोगाइदिएकामा आक्रोशित केपी ओली खेमाले उनीहरूलाई कारबाही गर्ने निर्णय गरेको हो ।

सांसदहरू प्रकाश ज्वाला, अमरबहादुर थापा, कुर्मराज शाही र नन्दसिंह बुढालाई एमाले संसदीय दलले पार्टीबाट निश्कासन गर्नका लागि केन्द्रीय कमिटी समक्ष सिफारिस गर्ने निर्णय गरेको छ । शुक्रबार साँझ दलका नेता यामलाल कँडेलको अध्यक्षतामा बसेको बैठक उक्त निर्णय गरेको हो ।

‘फ्लोर क्रस’ गरेर पछि आफ्नो मत सच्याएकी देवी ओलीलाई २४ घण्टे स्पष्टीकरण सोध्ने निर्णय पनि भएको छ ।