गैरकानुनी कर फर्छ्यौट प्रकरणमा मुछिएका आन्तरिक राजस्व विभागका तत्कालीन महानिर्देशक चूडामणि शर्मालाई  अख्तियार दुरूपयोग अनुसन्धान आयोगले बयानका लागि बोलाएको छ ।

शर्माका नाममा आयोगले बुधबार सूचना प्रकाशन गर्दै बयानका लागि बोलाएको हो । शर्मालाई आयोगको टंगालस्थित कार्यालयको ११४ नम्बरमा सम्पर्क गर्न भनिएको छ ।

कर फर्छ्यौट आयोग, २०७१ बाट कर फर्छ्यौटका लागि सम्झौता भएका विभिन्न करदाताहरूसँग लाभ लिएर राज्यलाई ठूलो आर्थिक नोक्सानी पुर्‍याई भ्रष्टाचार गरेको आरोप शर्मामाथि छ । 

उनीविरुद्ध आयोगमा परेको उजुरीको अनुसन्धानको सिलसिलामा शर्मालाई आयोगले बोलाएको बताइएको छ ।