देशमा राजनीतिक संकट गहिरिँदै जाँदा नेपाली सेनाको प्रस्तावमा सरकारले भारतीय प्रमुख रक्षाध्यक्ष जनरल विपीन रावतलाई नेपाल भ्रमणको निम्तो गर्ने भएको छ ।

९ वैशाखको मन्त्रिपरिषद् बैठकले रावतलाई निम्ता गर्ने निर्णय गरेको हो ।

सरकारी स्रोतले रावतको भ्रमण 'शिष्टाचार'का लागि बताए पनि विश्लेषकहरू भने केही 'खिचडी' पाकिरहेको हुन सक्ने बताउँछन् ।

उता, भारतीय प्रमुख रक्षा अध्यक्ष रावतलाई किन निम्ता गर्न खोजिएको भन्नेबारे रक्षा मन्त्रालय स्रोत भने आफूलाई जानकारी नभएको बताउँछ ।

यहीबीच सरकारले आजै जनता समाजवादी पार्टीका १२० नेता, कार्यकर्ताको मुद्दा फिर्ता लिने निर्णयसमेत गरेको छ भने जसपा र ओली खेमाबीच सत्ता साझेदारीको पहल पनि जारी छ ।