आइतबार रातीको खेलमा टर्कीलाई ३-१ गोल अन्तरले पराजित गरी स्विट्जरल्याण्डले युरो २०२० मा आफ्नो पहिलो जीत दर्ता गराएको छ ।

समूह 'ए'को उक्त खेलमा स्विट्जरल्याण्डको जीतका लागि जेर्दान साकिरीले २ गोल गरेका थिए ।

स्विट्जरल्याण्डका लागि पहिलो गोल हरपस सेफेरोभिकले छैटौँ मिनेटमा गरेका थिए । साकिरीले २६औँ र ६८औँ मिनेटमा गोल गरेका थिए । टर्कीका लागि इर्फान काहभेचीले ६२औँ मिनेटमा गरेको १ गोल फर्काएका थिए ।

पहिलो जीत हात पारेसँगै स्विट्जरल्याण्डको नकआउट चरणमा पुग्ने सम्भावना यथावत रहेको छ तर टर्की भने लगातार ३ खेल हार्दै अंकविहीन बनेर समूह चरणबाटै बाहिरिएको छ ।