महान्यायाधिवक्ता खम्मबहादुर खातीले पद तथा गोपनीयताको शपथ लिएका छन् ।

आज दिउँसो सर्वोच्च अदालतको परिसरमा प्रधानन्यायाधीश चोलेन्द्रशमशेर राणाले महान्यायाधिवक्ता खातीलाई पद तथा गोपनीयताको शपथ खुवाएका हुन् । 

राष्ट्रपतिको उपस्थितिमा प्रधानन्यायाधीशले शपथ गराउने प्रचलन भए पनि राष्ट्रपति विद्यादेवी भण्डारीले उपस्थित हुन अस्वीकार गरेपछि उनको शपथ सर्वोच्चमा भएको हो ।

सरकारको सिफारिसमा खातीलाई राष्ट्रपतिले बिहीबार साँझ महान्यायाधिवक्तामा नियुक्त गरेकी थिइन् ।