साताको दोस्रो कारोबार दिन नेपाल स्टक एक्सचेञ्ज (नेप्से)मा हरियाली छाएको छ । आज नेप्से ८७.६३ अंकले बढेर २ हजार ६७२.२५ विन्दुमा पुगेको छ । आइतबार पनि नेप्से २७.५१ अंकले बढेर २ हजार ५८४.५३ विन्दुमा पुगेको थियो ।
त्यस्तै, आज नेप्सेमा हरियाली छाएसँगै कारोबार रकम पनि बढेको छ । आज नेप्सेमा २२९ कम्पनीको ८ करोड ३९ लाख ५ हजार ८६४ कित्ता शेयर किनबेच हुँदा कुल ४ अर्ब ३० करोड ८८ लाख रुपैयाँ बराबरको कारोबार भएको छ । आइतबार २ अर्ब ७७ करोड ३४ लाख रुपैयाँ बराबरमा कारोबार सीमित भएको थियो ।
त्यस्तै, आज सबैभन्दा बढी कारोबार महालक्ष्मी विकास बैंकको भएको छ । यास बैंकको आज १६ करोड २५ लाख रुपैयाँभन्दा बढीको कारोबार भएको छ ।
आज सबै समूहको सूचकमा हरियाली छाएको छ । आज हाइड्रोपावर र फाइनान्स समूहको सूचक ७ प्रतिशतभन्दा धेरैले उकालो लागेको छ भने आज व्यापार समूहको सूचक शून्य प्रतिशतभन्दा धेरैले मात्र उकालो लागेको छ । बाँकी सबै समूहको सूचकमा एक प्रतिशतदेखि ६ प्रतिशतभन्दा धेरैले सुधार आएको छ ।
नेप्सेका अनुसार आज कारोबार भएका कम्पनीमध्ये १८ वटा कम्पनीको शेयर मूल्य १० प्रतिशतले बढेको छ । त्यस्तै, १५ वटा कम्पनीको शेयर मूल्य ९ प्रतिशतभन्दा धेरैले बढेको छ भने ९ वटा कम्पनीको शेयर मूल्य ८ प्रतिशतभन्दा धेरैले बढेको छ ।
नेप्सेका अनुसार आज सबैभन्दा धेरै फाइदा कमाउनेमा हिमाल दोलखा हाइड्रोपावर कम्पनीको लगानीकर्ता रहेका छन् । कम्पनी १० प्रतिशतभन्दा धेरैले फाइदामा गरेको छ । त्यस्तै, आज सबैभन्दा धेरै गुमाउनेमा सांग्रिला डेभलपमेन्ट बैंक डिभेञ्चर २०८७ का लगानीकर्ता रहेका छन् । बैंकको शेयर मूल्य ४ प्रतिशतले ओरालो लागेको छ ।
