एसियन गेम्समा पदक जित्ने बक्सरलाई १० लाख, ५ लाख र २ लाख
नेपाल बक्सिङ महासंघले आगामी १९औँ एसियन गेम्समा पदक जित्ने खेलाडीहरूलाई नगद प्रदान गर्ने निर्णय गरेको छ ।
बक्सिङ महासंघको आइतबारको बैठकले १९औँ एसियन गेम्समा स्वर्ण जित्ने खेलाडीलाई १० लाख रुपैयाँ दिने निर्णय गरेको हो ।
यस्तै, रजत जित्नेलाई ५ लाख र कास्य जित्नेलाई २ लाख रुपैयाँ प्रदान गर्ने महासंघको बैठकबाट सर्वसम्मत निर्णय भएको बक्सिङ महासंघले जनाएको छ ।
यसैगरी महासचिवको संयोकत्वमा सातै प्रदेश र विभिन्न जिल्लाहरूबाट माग गरी भदौ महिनाभित्रमा संघको क्यालेन्डर प्रकाशन गर्ने र वार्षिक तालिका प्रकाशन गर्ने निर्णय गरिएको जनाइएको छ । यसका लागि ५ सदस्यीय समिति गठन गर्नका लागि महासचिवलाई जिम्मेवारी दिने निर्णय भएको छ ।
नेपाल बक्सिङ महासंघको कोष वृद्धिका लागि महासंघका पदाधिकारीहरूबाट १५ हजार र सदस्यहरूबाट १० हजार रुपैयाँ सहयोग स्वरूप संकलन गर्ने सर्वसम्मतिबाट निर्णय गरिएको छ ।
मासिक रूपमा पदाधिकारीहरूबाट ५ हजार र सहस्यहरूबाट ३ हजार रुपैयाँ संकलन गर्ने निर्णय पनि भएको छ ।
महासंघको बेवसाइट, खेलाडीहरूको डाटा र दीर्घकालीन योजनाहरूलाई कार्यपत्र प्रस्तुत गरी अपडेट गर्ने कार्यका लागि महासंघका केन्द्रीय सचिव पुष्करराज पन्तलाई जिम्मेवारी दिने निर्णय गरेको छ ।
