भारतका प्रधानमन्त्री नरेन्द्र मोदीले कोरोना भाइरसविरुद्धको खोप लगाएका छन् । उनले आज बिहान एम्स अस्पतालमा कोरोनाविरुद्धको खोप लगाएका हुन् ।

समाचार एजेन्सी एएनआईका अनुसार मोदीले स्वदेशमै उत्पादित कोभ्याक्सिन खोपको पहिलो डोज लिएका हुन् । कोभ्याक्सिन भारतीय कम्पनी बायोटेकले उत्पादन गरेको हो ।

भ्याक्सिन लगाएपछि प्रधानमन्त्री मोदीले ट्वीटरमा लेखेका छन्, ‘आउनुहोस् मिलेर भारतलाई कोभिड- १९ बाट मुक्त बनाऔँ ।’

मोदीले भारतका डाक्टर र वैज्ञानिकहरूले कोभिड- १९ विरुद्धको लडाइँलाई मजबुत बनाउन तीव्र रूपमा काम गरिरहेको भन्दै प्रशंसा पनि गरेका छन् ।