नेपाल-भारत सीमाअन्तर्गत कञ्चनपुरको बेलौरीमा गोली चेलको छ । लागुऔषध तस्कर र नेपाल प्रहरीबीच बिहीबार साँझ बेलौरी नगरपालिका- ७ टेडुवा सीमा क्षेत्रमा गोली हानाहान भएको हो ।

जिल्ला प्रहरी कार्यालय कञ्चनपुरका प्रहरी प्रवक्ता अमरबहादुर थापाका अनुसार गोली लागेर एक जनाको ज्यान गएको छ । मृतकको पहिचान खुलीी नसकेको र उनी भारतीय नागरिक हुन सक्ने प्रहरीको अनुमान छ । गोली लागेर घाइते भएका ती व्यक्तिको उपचारका लागि लैजाँदै गर्दा मृत्यु भएको उनले बताए । 

थापाका अनुसार तस्करबाट नेपालमा लागुऔषध ल्याउन लागेको भन्ने सूचनापछि प्रहरीको टोली परिचालन गरिएको थियो  । उनले प्रहरीको टोली सीमा क्षेत्रमा पुग्दा तस्करले गोली चलाएको बताए । दोहोरो गोली हानाहानमा प्रहरीतर्फ एक जना घाइते भएको उनको भनाइ छ । उनको खुट्टामा चोट लागेको छ ।