इङ्ग्लिस प्रिमियर लिग फुटबलमा शीर्ष स्थानमा रहेको म्यानचेस्टर सिटी विजयी भएको छ ।

गएरात भएको खेलमा फुलह्यामलाई ३-० गोलको फराकिलो अन्तरले पराजित गर्दै म्यानचेस्टर सिटी विजयी भएको हो । जीतसँगै सिटी ७१ अङ्‍कसाथ शीर्षमा कायमै छ । 

दोस्रो स्थानमा रहेको म्यानचेस्टर युनाइटेडको सिटीको भन्दा १७ अङ्क कम ५४ अङ्क रहेको छ । गएरात नै भएको अर्को खेलमा बर्नलीले एभर्टनलाई २-१ गोलले पराजित गरेको छ।

क्रिष्टल प्यालेसले वेष्ट ब्रुमलाई १-० गोलले पराजित गरेको छ भने लिड्स युनाइटेड र चेल्सीबीचको खेल गोलरहित बराबरीमा रोकिएको छ ।