बाँच्नु पनि एउटा कला हो 
सखल्ल मर्न पाउनु पनि
खान बाँच्ने कि बाँच्न खाने ?
जीवन रहस्य कतै लुकेको छ ।

कोही मरेर पनि बाँच्छन्
कोही बाँच्दा मरेकै हुन्छन्
फरक त विचार र सोचमा हुन्छ
जो बाँच्छ, जो मर्छ ।

प्राणवायु कसले भर्छ ?
प्राणवायु कसले हर्छ ?
प्राणवायु गएको देखिन्छ
भरेको कसरी होला ? कसले देख्छ ?

मानव चोला सर्वश्रेष्ठ होला !
तर, कसरी सदुपयोग गर्ने होला ?
बाँच्नु र मर्नुको दोसाँधमा
कसरी जीवन चलाउने होला ?

धेरै आए, धेरै गए
अझ कति आउलान्
अनुत्तरित प्रश्नको 
उत्तर कहिले पाउने होला ?