नेपाल आयल निगमले पेट्रोल, डिजेल, मट्टितेल र हवाई इन्धनमा मूल्यवृद्धि गरेको छ । उल्लेखित प्रत्येकमा २/२ रुपैंयाँ मूल्यवृद्धि गरिएको हो ।

निगमले जनाएअनुसार आइतबार राति १२ बजेपछि लागुहुने गरी काठमाडौं उपत्यकामा पेट्रोलको मूल्य १२३ र डिजेल तथा मट्टितेलको मूल्य प्रतिलिटर १०६ कायम गरिएको छ । त्यस्तै आन्तरिक हवाइ इन्धनको आन्तरिक उडानको मूल्य प्रतिलिटर ७८ कायम भएको छ ।

एलपी ग्यास र अन्तर्राष्ट्रिय हवाइ उडानको इन्धनको मूल्य भने नबढाएको जनाइएको छ ।